खुशखबर, दहावीच्या विद्याथ्र्यांना मिळणार ऑनलाईन प्रवेशपत्र

अमरावती. दि. 22 : महाराष्ट्र राज्य माध्यमिक व उच्य माध्यमिक शिक्षण मंडळ, पुणे व्दारे माध्यमिक शालांत प्रमाणपत्र (इ. 10 वी) परीक्षा फेब्रुवारी-मार्च 2025 साठी बसलेल्या सर्व विभागीय मंडळातील विद्यार्थ्यांना ऑनलाईन प्रवेशपत्र (हॉल टिकीट) मंडळाच्या www.mahahsscboard.in या संकेतस्थळावर उपलब्ध करून देण्यात आली आहेत. ॲडमीट कार्ड या लिंकवर क्लिक करुन प्रवेशपत्रे प्राप्त करुन घेता येईल, याची संबंधित शाळांच्या मुख्याध्यापक, विद्यार्थ्यांनी नोंद घ्यावी, असे मंडळाव्दारे आवाहन करण्यात आले आहे.

सर्व माध्यमिक शाळांना फेब्रुवारी मार्च 2025 च्या माध्यमिक शालान्त प्रमाणपत्र (इ.10 वी) परीक्षेची प्रवेशपत्रे (हॉल टिकीट) ऑनलाईन पध्दतीने मंडळाच्या www.mahahsscboard.in या संकेतस्थळावर सोमवार दि. 20 जानेवारी, 2025 पासून ॲडमिट कार्ड या लिंक व्दारे डाऊनलोड करण्याकरिता उपलब्ध होतील. या संदर्भात काही तांत्रिक अडचण उद्भवल्यास माध्यमिक शाळांनी विभागीय मंडळाकडे संपर्क साधावा. तसेच ऑनलाईन प्रवेशपत्रे (हॉल टिकीट) उपलब्ध करून घेण्याच्या अनुषंगाने सूचित करण्यात येते की, फेब्रुवारी,मार्च 2025 साठी सर्व विभागीय मंडळाच्या कार्यकक्षेतील सर्व माध्यमिक शाळानी इ.10 वी. परीक्षेची ऑनलाईन प्रवेशपत्रे प्रिंट करून विद्यार्थ्यांना द्यावयाची आहेत.

प्रवेशपत्र (हॉल टिकीट) ऑनलाईन पध्दतीने प्रिंटींग करताना विद्यार्थ्यांकडून त्यासाठी कोणतेही वेगळे शुल्क घेऊ नये, सदर प्रवेशपत्राची प्रिंट काढून त्यावर मुख्याध्यापक यांचा शिक्का उमटवून स्वाक्षरी करावी. ज्या आवेदनपत्रांना "पेड" असे Status प्राप्त झालेले आहे. त्यांचीच प्रवेशपत्रे "Paid Status Admit Card या पर्यायाव्दारे उपलब्ध होतील. अतिविलंबाने आवेदनपत्रे भरलेल्या व Extra Seat No विभागीय मंडळामार्फत दिलेल्या विद्यार्थ्यांची प्रवेशपत्रे "Extra Seat No Admit Card" या पर्यायाव्दारे उपलब्ध होतील.

ऑनलाईन केलेल्या प्रवेशपत्रामध्ये नाव/आईचे नाव/जन्मतारीख/जन्मठिकाण अशा दुरुस्त्या असल्यास सदर दुरुस्त्या ऑनलाईन पध्दतीने करावयाच्या असून त्याकरीता Application Correction ही Link उपलब्ध करून देण्यात आलेली असून विहित दुरुस्ती शुल्क भरून दुरुस्त्या विभागीय मंडळाकडे मान्यतेसाठी पाठविण्यात याव्यात व विभागीय मंडळाच्या मान्यतेनंतर "Correction Admit Card या Link व्दारे सुधारीत Admit Card उपलब्ध होतील. विषय/माध्यम बदल असल्यास प्रचलित पध्दतीनुसार विभागीय मंडळात प्रत्यक्ष संपर्क साधून योग्य त्या दुरुस्त्या करण्यात याव्यात. ज्या आवेदनपत्रांना "Paid असे Status प्राप्त झालेले नाही, अशा आनेदनपत्रांचे शुल्क प्राप्त झाल्यानंतर त्यांचे Status Update होवून "Late Paid Status Admit Card या Option व्दारे त्यांची प्रवेशपत्रे उपलब्ध होतील. फोटो सदोष असल्यास, त्यावर विद्यार्थ्यांचा फोटो चिकटवून त्यावर संबंधित मुख्याध्यापक यांनी शिक्का मारून स्वाक्षरी करावयाची आहे.

प्रवेशपत्र विद्यार्थ्यांकडून गहाळ झाल्यास संबंधित माध्यमिक शाळानी पुनःश्च प्रिंट काढून त्यावर लाल शाईने व्दितीय प्रत (डुप्लिकेट) असा शेरा देऊन विद्यार्थ्यांस प्रवेशपत्र द्यावयाचे आहे. तरी फेब्रुवारी मार्च 2025 मध्ये घेण्यात येणाऱ्या माध्यमिक शालान्त प्रमाणपत्र (इ. 10 वी.) परीक्षेसाठी प्रविष्ट झालेले सर्व विद्यार्थी, पालक, शिक्षक, मुख्याध्यापक तसेच सर्व माध्यमिक शाळा यांनी उपरोक्त बाबींची नोंद घेऊन त्याप्रमाणे उचित कार्यवाही करावी, असे अमरावती विभागीय मंडळाच्या विभागीय सचिव निलिमा टाके यांनी प्रसिध्दी पत्रकाव्दारे कळविले आहे.